Sehba Akhtar: A Renowned Pakistani Urdu Poet and Writer

✦ خاص طور پر afzalshakee.blogspot.com کے لیے ✦

صہبا اختر اصل نام: اختر علی رحمت

✦ ۳۰ ستمبر ۱۹۳۱ جموں ✦ ۱۹ فروری ۱۹۹۶ کراچی ✦

❀ شاعرِ مشاعروں کی جان ❀

Read My Beutiful ghazal for wife click here

✦ تعارف و حالاتِ زندگی

صہبا اختر (اصل نام اختر علی رحمت) ایک ممتاز پاکستانی شاعر،

نغمہ نگار اور بلند آواز مشاعروں کے ہر دلعزیز فنکار تھے۔ وہ ۳۰ ستمبر ۱۹۳۱ء کو جموں میں پیدا ہوئے اور ۱۹ فروری ۱۹۹۶ء کو کراچی میں وفات پائی۔ انہوں نے حمد، نعت، غزل، نظم، گیت اور ملی نغموں سمیت تمام اصنافِ سخن میں طبع آزمائی کی۔ نام اختر علی رحمت اور صہبا تخلص تھا۔۳۰؍ستمبر۱۹۳۱ء کو جموں میں پیدا ہوئے۔ تعلیم وتربیت والدہ کی سرپرستی میں بریلی اور علی گڑھ میں ہوئی۔تقسیم ہند کے بعد پاکستان آگئے ۔ نامساعد حالا ت کی وجہ سے وہ مزید تعلیم حاصل نہ کرسکے۔ تھوڑے تھوڑے عرصے انھوں نے کئی جگہ ملازمت کی۔ بعدازاں محکمۂ خوراک میں انسپکٹر ملازم ہوگئے اور ترقی کرکے راشننگ کنٹرولر کے عہدے تک پہنچے۔ صہبااختر کو شعر وسخن کا ذوق اوائل عمر سے تھا۔ان کا کلام ملک کے مقتدر ادبی رسالوں میں چھپتا تھا۔ریڈیو سے وابستہ ہونے کے بعدگیت لکھے اور ان گیتوں کی بدولت فلم لائن میں پہنچے۔ سات سال تک روزنامہ’حریت‘ سے وابستہ رہے۔ روزنامہ ’مشرق‘ میں قطعات بھی لکھتے رہے۔صہبا اختر نے تمام اصناف سخن میں طبع آزمائی کی ہے۔ غزلوں کی نسبت نظمیں زیادہ کہی ہیں۔ انھوں نے ملی نغمے اور دوہے بھی لکھے جو بہت مقبول ہوئے۔۱۹؍فروری۱۹۹۶ء کو کراچی میں اس دارفانی سے رخصت ہوگئے۔ا ن کی تصانیف کے نام یہ >/ہیں:’سرکشیدہ‘(شعری مجموعہ)، ’اقراء‘، ’سمندر‘،’ مشعل‘۔ اعزاز: صدارتی تمغہ برائے حسن کارکردگی۔ بحوالۂ:پیمانۂ غزل(جلد دوم)،محمد شمس الحق،صفحہ:258

Visit My Punjabi Ghazal Is Rah Di Musafat Click here

🏛️ خاندان والد منشی رحمت علی — معروف ڈرامہ نویس و شاعر

🕌 ہجرت تقسیم ہند کے بعد پاکستان آئے، کراچی مستقل مسکن

🎤 مشاعروں کی جان منفرد، گرجدار اور پرجوش ترنم — بے حد مقبول

🇵🇰 ملی نغمے پاکستانیت کے جذبے سے سرشار، آج بھی زبان زدِ عام

فنی خصوصیات: غزل، نظم، گیت، قطعہ، دوہا اور ملی نغمہ نگاری — ہر صنف میں بلند مقام۔ ان کے کلام میں جوش ملیح آبادی اور نظیر اکبر آبادی کا عوامی رنگ نمایاں ہے۔ فلمی نغمات بھی لازوال تخلیق کیے۔

• • •

Read My Blog On Jiger Muradabadi Click here

❀ غزل ❀

مجھے ملا وہ بہاروں کی سر خوشی کے ساتھ گل و سمن سے زیادہ شگفتگی کے ساتھ

وہ رات چشمۂ ظلمات پر گزاری تھی وہ جب طلوع ہوا مجھ پہ روشنی کے ساتھ

اگر شعور نہ ہو تو بہشت ہے دنیا بڑے عذاب میں گزری ہے آگہی کے ساتھ

یہ اتفاق ہیں سب راہ کی مسافت کے چلے کسی کے لیے جا ملے کسی کے ساتھ

Visit My Ghazal Bazm E Hasti Mn Click here

❀ غزل ❀

ہم اپنے بخت سیہ کے اثر میں رہتے ہیں وہ رات ہے کہ ستارے نظر میں رہتے ہیں

تماشہ گاہ طلوع و غروب سے ہٹ کر ہم اک سواد‌ شب بے سحر میں رہتے ہیں

نہ تھی خدا کی زمیں تنگ جن کے قدموں پر فغاں کہ قید وہ دیوار و در میں رہتے ہیں

وہ آگہی کے سمندر کہاں ہیں جن کے لئے تمام عمر یہ پیاسے سفر میں رہتے ہیں

ہوائے کوچۂ محبوب سے کہے تو کون کہ ہم بھی آرزوئے نامہ بر میں رہتے ہیں

وہ شہر یار سخن نام جن کا صہباؔ ہے فقیر بن کے تری رہ گزر میں رہتے ہیں

Visit My Poem AANKHEN Click here

❀ پاگل عورت ❀

ایک جوان سی اور دیوانی عورت کو

میں نے سڑک پر اکثر گھومتے دیکھا ہے

گاہ کسی سائے کی طرف مصروف خرام

اور کبھی وحشت میں جھومتے دیکھا ہے

اس کی سرخ آنکھوں میں پاگل پن کے سوا

اور بھی کچھ ہے جس کا کوئی نام نہیں

اک ایسی بیداری اس پر طاری ہے

جس کے مقدر میں اب کوئی شام نہیں

اس کے پتھر جیسے چپ چپ چہرے پر

اک سنگین اداسی ناچتی رہتی ہے

اس کی سوئی سوئی گہری پلکوں میں

راتوں کی تاریکی جاگتی رہتی ہے

اس کے ماتھے پر بکھری زلفوں کا دھواں

جیسے ختم نہ ہونے والا چاند گہن

کیا جانے کس آنکھ سے ٹوٹا تارا ہے

کیا جانے کس سورج کی آوارہ کرن

کیا جانے کس کی بیٹی ہے کس کی بہن

کیا جانے کس باپ کا دل کس ماں کا نور

ایک بگولہ اپنے ویرانے سے جدا

ایک بھٹکتی روح اپنے مرقد سے دور

وہ فٹ پاتھ پہ اور کبھی شہراہوں پر

کیا جانے کس دھن میں تنہا پھرتی ہے

شب کو آخر بار مسافت سے تھک کر

کیا جانے کس گوشے میں جا گرتی ہے

کوئی شریعت جس سے نہیں لے سکتی حساب

جس کا دل نیکی سے خالی ہے

جانے کس سگ زادہ خباثت کے ہاتھوں

اب وہ بچے کی ماں بننے والی ہے

✦ صہبا اختر ✦

📘 یہ بلاگ afzalshakee.blogspot.com کے لیے تحریر کیا گیا ہے

✦ جملہ حقوق بحقِ مصنف محفوظ ہیں ✦

✽ یادِ صہبا اختر ✽

🎥 If you enjoy my poetry and literary content, don’t miss out on my YouTube channel! Click the button below to watch, subscribe, and stay updated with my latest videos.

👉 Watch & Subscribe to Afzal Shakeel Sandhu
The opinions and comments of friends will be respected.

Written by: Afzal Shakeel Sandhu